من ناوم خەونە
خەڵڪی وڵاتی ئەفسوونم
باوڪم شاخە و
دایڪم تەمە
من لە ساڵێڪی مانگ‌ڪوژراو
لە مانگێڪی هەفتەڪوژراو و
لە ڕۆژێڪی سەعات‌ڪوژراودا
دوای شەوێڪی ئاوس بە «با»
دوای شەوێڪی پشت‌ڪۆماوەی هەوراز بە ڪۆڵ
بەرەبەیانێڪی زامدار
لە شەفەقێڪی ڪەسڪەوە
وەڪ گزنگێڪی خوێناوی ڪەوتمە خوارێ و
داگیرسام و بووم بە مۆمێڪ
گڕ بە مل و
بووم بە پرسێڪ
دەم بە هاوار
« مامۆستا شێرڪۆ بێڪەس»
#شێرکۆ_بێکەس #کورد #کوردستان
#کاوه_آهنگری
#کاوه_ئاهەنگەری
#kawaahangari